الجزء 13 | قصة بين أحضانك أنا أحترق

.formatted-text { text-align: center; font-weight: bold; white-space: pre-wrap; line-height: 1.8; margin: 20px auto; padding: 0; color: inherit; background: transparent; }

.load-more-container { text-align: center; margin: 40px auto; }

.load-more-button { background: linear-gradient(135deg, #ff9800, #ff5722); color: #fff; font-size: 20px; font-weight: bold; padding: 14px 32px; border: none; border-radius: 50px; cursor: pointer; box-shadow: 0 4px 12px rgba(0,0,0,0.2); transition: all 0.3s ease; }

.load-more-button:hover { transform: scale(1.07); background: linear-gradient(135deg, #e68900, #e64a19); }

.hidden-section { max-height: 0; opacity: 0; overflow: hidden; transition: max-height 0.6s ease-in-out, opacity 0.6s ease-in-out; }

.hidden-section.show { max-height: 5000px; opacity: 1; }

تتمة البارت

document.addEventListener('DOMContentLoaded', () => { const rawText = `بعد المرات فاش كتحس بالما دايز من تحت منك كتولي راد البال مع جنابك كتر من القياس..عينيه كانو على نور القمر لي جالسة كاس اتاي فيديها و التيليفون فيد الاخرى تا للحظة هزات عينيها فالدخلة الصالة مبتاسمة و عينيها كيلمعو صغر عينيه فيها تا سمع صوتو ناطق: مولاي السلطان .. هز فيه راسو بهدوء ورجعهم لنور القمر لي حطات التيليفون و ضاحكة تا جلس حداها و ضربها لراسها: كبي شي كاس .. نور القمر .. وا بلا ضرب .. بقا كيرمش فيهم تا حس بسهام جلسات حداه و حول عينيه ليها: عموو .. سلامة .. اعموو .. سهام .. «قربات تا لوذنو و نطقات» طاطا ميراا زوينة اعموو .. سلامة .. «ضحك ليها و جرها لحضنو مقبلها» عجباتك !! سهام .. اااه «هزات يديها كتلعب ليه فالعقاد ديال التيشيرت» دابا اعمو غتزوج ؟ سلامة .. غنتزوج اعمو .. مينة .. «طلقاتها بتزغريتة تا كمشو عينيهم» الله يكمل كولشي بالخير .. سلامة .. آمين اميمتي .. إيمان .. خووووياااا .. سلامة .. «تبسم بالجنب و طبطب على يديها فاش تحنات باستو من حنكو» مزيان !! إيمان .. هههههه فطر نوض نمشيو نختارو الورد و نختارو الشوكولا كيعجب ميرا نوض .. معتصم .. زايدة فيها نغزة هاد النهار .. نور القمر .. فين وليد و عمي عبد العالي و أصال .. عبد العالي .. يسول فيك الخير البرهوشة .. نور القمر .. صباح الخير .. أصال .. صبااح النور .. وليد .. مجمعين على خلا دار باكم .. إيمان .. فين مرت عمك ؟ نور القمر .. داز موراهم عمي البارح مشاو لدارهم تا توصل الوقيتة و غيجيو .. سلامة .. «وقف و شير لايمان» ياله .. لاح يديه على كتافها و هز سوارت الطوموبيل دوليد و خرجو نيشان لفين مدوموندي الورد شافتو إيمان و رجعان خربقات ليه كلشي بواحد أحلى منو الورد الأبيض و وسط منو مكتوب الحروف اللولة من أسمائهم بالورد الأحمر هزاتو حطاتو للور فطوموبيل خلاتو خلص و عاد رجعو تمشاو على رجليهم خداو باكي ديال شوكولا بريستيج و رجعو ركبو فطوموبيل هاديك طريقو تا لدار ميرا .. إيمان .. لاش جينا لهنا ؟؟ سلامة .. شي هضرة مع الخالة و نجي .. حركات ليه راسها حابسة الضحكة و تبعاتو بعينيها تا دخل من باب الڤيلا اللول..دق فالباب تا حلات ليه بديعة كضحك عنقها و باس راسها و قال: الخالة فين راها !! بديعة .. غزلان ؟؟ حرك ليها راسو و قالت: دخل اولدي راها فالصالةن هي و ميرا .. حنا راسو و دخل بخطوات بطيئة تا لعندهم هز عينيه فميرا و تبسم ابتسامة صغيرة تا تنفضات من بلاصتها و تلاحت عليه معنقاه بشوق: توحشتك !! بدورو ضور عليها يديه مشتاق ليها ولفها بزاااف و ولفها حداه وفجنبو يدخل للدار يشم ريحتها و يشوفها قدامو غادة جاية: ما تكونيش قدي المسرارة .. ميرا .. «بعدات عليه شوية و تعلات باستو فحنكو مامسوقاش ليهم هوما لي حالين فمهم فيهم» جيتي تشوفني ؟؟ سلامة .. حجة و زيارة «شاف فغزلان» الخالة واحد الدقيقة .. غزلان .. اا اهاه اولدي مرحبا .. وقفات غزلان فحين هو دوز يديه على شعر ميرا و قبلها فجبهتها و رجع خرج تبعاتو غزلان تا بعدو عليهم و تقابل معاها: بنتك على راسي و عيني غير هو الخالة الحاجة لي تزعزع خاطرها ما عندي ما ندير بيها خليها على خاطرها الخالة .. غزلان .. «شافت فيه مطولة و حركات راسها» واخا اولدي على خاطركم .. قرب قبل راسها و خرج من الدار بقات متبعة ليه العين مدة و رجعات دخلات عندهم و ميرا كترمش فيها .. غزلان .. امالكيي ؟؟ ميرا .. انا عارفاه محترم و كيحترم لي كبر منو و لكن فاش كتوصل ليا مكيعرف احترام و مكيبقاش يقشع قدامو قاليك شي حاجة خايبة ؟؟ غزلان .. «حركات راسها بلا» ماقالش ابنتي قالي غي خليها بخاطرها .. ميرا .. و مالكي عاقداهم ؟؟ غزلان .. والو مكاين والو ياله سربيو هادشي نوضو نقضيو غاراض .. بديعة .. نوضي نتي طلعي ديها فحالتك نوضي .. ميرا .. واااخاا ههههه هانا غادة .. طلعات بالشوية عليها كتمختر فمشيتها تا لبيتها حلات الباب و جرات كرسي جالسة و آية فوق السرير ناعسة هزات تيليفونها من فوق الفيوز و دخلات نيشان لكونڤيرساسيون ديالو كاتبة .. "كنبغيك نتا هو كولشي فحياتي" حطات تيليفون على جنب لاحت راسها لور كتلعب فشعرها فرحانة .. الطيافر واجدين فوسط الصالون وليد فالباب بسروال توب و سوميج مرخوفة محلول ليها صدايف لوالة ساعة فيديه كيشير بيها للدراري دعيساوة لي جايين عندو و يد فجيبو حداه مينة بقفطان و درة على راسها كتقاد الحزام و تهضر مع راجلها فتيليفون.. الداخل فالدار كان عبد العالي لابس جلابة فالخزي شفافة و من تحتها سروال قندريسي أبيض و تيشيرت بيض و أصال حداه بقفطان فالݣرونة مطرز بالأسود و شال أسود فوق راسها مكياج خفيف دايرة رجل فوق رجل قبالتها معتصم بستيلو المعتاد سروال كيطمة و تيشيرت من الفوق و سبرديلة فرجليه.. خرجات نور القمر من البيت شعرها مطلوق كيبعب فظهرها كيوصل تا لمؤخرتها بكولون و صوفيطمة من الفوق لاحت عليه سروال دجين: حييييد سروال الكيطمة و لبس هادا .. معتصم .. فين عمر دينمك شتيني لابسو !! نور القمر .. راك غادي لخطبة ماشي لقصاررة حيييييد الزمر .. معتصم .. الااااا مامحيدوش .. تسمع تقرقيب طالونها يديها شادين القدام ديال القفطان تا بانو سيقانها و صندالة الطالون فالبيج لي كانت لابسة هزات راسها فيهم بضحيكة شعرها مصوب و القصيصة على جنب عينيها مجبدين بايلاينر خفيف و شفارها طالعين عاطيين جمالية لعينيها أكثر بلاش مخلي السر طايح عليها و شنيفاتها عليهم عكيكر ماغون..حولات عينيها لنور القمر و قالت: خليه عليك غي غتحرقي راسك معاه و سيري كملي ماكياجك دغيا .. خنزرات نور القمر فمعتصم و رجعات للبيت تقابلات مع المرايا دارت ماكياج على حقوو طريقو لبسات قفطان خفيف هابط بالعقاد و دارت حزامو جمعات شعرها لور بمقيبط و هزات صندالة دومي طالون فالأبيض لبساتها و خرجات عندهم كتخربق فتيليفونها تا سمعات تصفيرة د معتصم عاد هزات راسها لقاتهم كلهم مجموعين و هي آخر وحدة خرجات تقول هي العروسة .. نور القمر .. ههههه تعطلت .. سلامة .. «تبسم ليها و لجمالها لي داي فامهم بزاف» ماشي بزاف .. نور القمر .. نااارييي ابابا الكحل .. هبط راسو لملابسو كان بسروال توب فالأسود و معاه قميحة كحلة حال صدايف الوالة تا بانت السنسلة النقرة لي فعنقو و صباط أسود..مجاوباهاش حيت عارفها غديرلو سكوندال و لا و بدل هز الشكلاط و الورد و خرج حطهم فالطوموبيل و رجعو معاونين على الطيافر و هي موراهم كتنݣر و تعاود .. قرب منها معتصم سد ليها فمها و قال: قواا فيك النݣير .. نور القمر .. عصبتوني ياه .. معتصم .. «طلعها و هبطها و هز يديه جبد ليها حنكها» جيتي توتة .. نور القمر .. «بدلع» بصح جيت زوينة ؟؟ معتصم .. شي حاجة فوق زوينة «تنهد و حك على راسو» زيدي زيدي قبل ما نصدق متكيك هنا .. ضحكات ليه و تبعاتو تا تستفو قدام الدار و نطق عبد العالي: طوموبيل دوليد عمرات بيتحرك بوحدو .. وليد .. الله يا ودي .. عبد العالي .. انا معايا اصال و إيمان و سهام و مينة و قمر .. سلامة .. خلي نور معايا غنمشيو فموطور زيد معاك معتصم .. معتصم .. سير الحلوة دابا ندوزو ليها .. حرك ليه راسو و جر سلامة نور القمر طلع و طلعات موراه هبط عينيه لرجليها و ضور راسو ليها تا خرجات فيه عينيها: شنوو غندير ليهم يا ويلي .. سلامة .. تحركي للدار .. نور القمر .. بابا «بالهداوة كتشرح ليه» واش قفطان و تقاشر ميمتك دوز غي هاد النهار .. سلامة .. الداااار انور الدااار .. عوجات فيه فمها و شدات من عندو سوارت الدار دخلات بالزربة لبسات تقاشر ديالو طوال و كتنݣر غي بوحدها خرجات عندو طلعات و هبط عينيه لرجليها عطاها الكاسك ركباتو عاقدة حجبانها عاد تحرك تابعهم .. تـتـمـة الـبـارت 122

بقفطان فالأخضر ملكي سااامبل هابط بالعقدات تا لتحت و فتحة صغيرة لتحت مبينة رجليها صباط الطالون فالون بااارد كلون الشال لي على راسها فالنيود و خيط الريح على جبهتها و حزام القفطان نفس لونو حنيكاتها كانو مزينݣين و عويناتها كيلمعو و لا نقطة ميكاب على وجهها و السر طايح عليها وجهها منور.. قربات لعندها بديعة و حطات يديها على راسها قرات عليها المعوذتين و قالت: الله يحجبك النتي جيتي زوينة تبارك الله .. ردينة .. تبارك الله ماشاء الله جيتي كتفتني .. ميرا .. «بصوت خافت» لهلا يخطيكم عليا .. غزلان .. هبطو هبطو راهم وصلو ياله ياله .. هبطو كيجريو متابعين خلاو ميرا قلبها كيضرب فالتسعين و هي كتسمع عيساوة كيضربو قربات من السرجم لي لطالما سرحات فيه و هي كتفكر فيه و تخيل فحياتها كي غتكون معاه ليوم كطل فيه على خطوة معاه فلحلال و هي كتساينو يولي ديالها شرعا و قانونا و قدام الملأ تقول هادا ديالي راجلي .. طلات برويسها كيبان ليها هاز فيديه الورد و الشكلاط عضات على شفايفها و حطات يديها على قبلها لي كيضرب بالجهد بقات متبعة ليهم العين تا دخلو للدار و شافت فآية لي مربعة رجليها كتشوف فيها بابتسامة .. ميرا .. جيت زوينة .. آية .. نتي ديما زوينة .. ميرا .. توترت هههههه .. آية .. السنين دغيا دازت .. ميرا .. غي البارح كنت كنحلم بيه .. آية .. هانتي اليوم غتزوجي بيه الله يدومها عليكم .. ميرا .. آمييين يا ربي .. تدق الباب ووقفات جيهتو حاضية مع خطاويها لا تجي حبل و بونت حلات الباب و هزات راسها كضحك ظنا منها راه بديعة و لا ردينة و لا كلثوم و لا باها و لا مها لي غيهبطوها تا خرجاتهم فيه هو لي واقف يديه فجيبو و فور ما شافها عينيه سكاناوها من رجليها لراسها و عض على شنافتو التحتية بطريقة جذابة و بصوت هامس قال: ݣتلتيني المسرارة عشقك غادي و كيتحفر «قرب منها كتر و تحنى لعندها طابع قبلة على جبينها» كتفتني الغالية ديالي .. قلبها دق و عينيها لمعو ابتسامة خرجات من شفايفها و يديها تحطو على دراعو بلا هواها علات راسها فيه كتر كتشوف ملامح وجهو الخشنة و عينيه السود لي كانو هايمين فعينيها بنظرة ساحرة جذابة خلاتها منجاذبة ليه كتر و كتر..اختازلات المسافة بينهم متمتمة من بين شفايفها اسمو كأنها أول مرة غتنطقو بحنية و حب و صوت خافت: سلامة .. و كأن اسمو من شفايفها كان سحر و ألقي عليه تحنى لطولها حاط نيفو على نيفها كيتنفس من أنفاسها و يديه تحطو على حناكها مدخل يدو لعنقها كيتحسس رطوبيتها بصباعو و عينيه تسدو من يديها لي تحطو على صدرو مزيرة بصبيعاتها على القميجة ديالو تنهد تنهيدة عميقة و قرب كتر طابع قبلة على خدها و بعد لور مازال مقابل معاها حاط يديه على حناكها بجوح كيشوف فيها بحب هيام و عشق تا تبسمات ليه و حطات يديها على يدو فحنكها ميلات راسها كتشوف فيه بكياتة و ترمش بعوينات القطة.. ميرا .. سلامة .. سلامة .. «بصوت حنون مراقب تفاصيل وجهها» الكبيدة ديالو .. ميرا .. ع علاش طلعتي ؟ سلامة .. نهبطك اعروستي .. تقاد فوقفتو كيحنحن و مد ليها يديه شدات فيه كضحك بلا ضحك شابك صباعو مع صباعها و اليد تانية هزات بيها طراف القفطان باش متعكلش و عينيها فالأرض حاضية خطاويها و هو حاضي خطاويها معاها.. هابطين فالدروج تا بدات كتسمع الزغاريت الحمورية طلعات مع حناكها و بيديها زيرات على يديه كداري توترها تا حسات بيه طلق منها و حاوط خصرها جارها لعندو و مد يديه التانية شد فيديه تا علات فيه راسها مبتاسمة و رجعات حدراتو تا لآخر درجة و وقفو بصوت من غزلان ناطقة و هي مقربة عندهم: وقفو تما اولدي باش تصورو .. حبس بخطاويه و هز عينيه فالمصور لي قدامو كيصور فيهم ضور وجهو لجيهة نور القمر لي شادة ضحكة و غمزاتو محركة راسها حيت عارفاه مكيحملش شي حد يبقا يصور فيه و لا دير هك لا دير هك عض على شنايفو مغزف و هبط عينيه ليها هي لي الضحكة موسعة فشفايفها رمش فيها و هز عينيه فالمصور مرة أخرى لقاه حاضي معاهم و كيشوف فالتصاور و يرجع يشوف فيهم لوا لسانو وسط فمو و نغزها من خصرها حتى علات راسها فيه و بابتسامة خجولة قالت: اممم مالك !! سلامة .. شوفي فيا غيي فياا .. سرطات ريقها و ياله حلات فمها تهضر سمعات صوت المصور و هو مقرب ليهم حيت صوت الموسيقى مغاديش يسمعوه: شوفو هناا عافاكم .. غمض عينيه سايط النفس من فمو بامكانو يضربو يجيبو مرابع و لكن ماشي فنهار بحال هادا باغي يحط أعصابو ففريݣو و يخلي الفرحة تكمل مشافش فيه و ما هضرش معاه حول عينيه لمعتصم لي بنظرة وحدة فهمو و مشا ضور يديه على المصور جارو لقنت كيهضر معاه فحين هو جر ميرا من خصرها تابعين غزلان و مينة و كلثوم لي كيصليو على النبي..جلسو فالبلاصة المخصصة ليهم و فالأرض محطوطين الطيافر ديال الدهاز بلا الطقم لي شرا ليها و البوكي د الورد و الخواتم ديالهم بجوج بذوق رفييع مقادين قدامهم فطبيلة صغيرة مزوقة بالورد.. يديه من على خصرها ما تحيداتش و يديه من يديها ما طلقاتش على نفس الجلسة بقاو هي عويناتها كيشوفو فالحضور و فنور القمر لي قدامها كتصورهم بتيليفونها و إيمان حداها ضاحكة ليهم فحين هو عينيه كانو غي عليها حمقاتو و سطاتو و سالاات معاه.. رد ظهرو لور و باقي كيشوف فيها تا رجعات راسها كتشوف فيه و ضحكات حناكها مزنݣين: هادشي زوين .. سلامة .. بصحتك المسرارة .. ميرا .. فرحانة .. سلامة .. «هز يديه دوزها على حنكها» الله يدومها .. ضحكات عاضة على شفايفها بحشمة عارفة قوم ربي حاضيهم حنات راسها ماقدرات تهز العين فحتى واحد .. فالقنت كان باقي واقف مع المصور كيضحك و نص هضرتو كيكح فيها: شنو قلنا .. المصور .. «حيد الكاميرا من عنقو عطاها ليه» هاك اخاي باقي باغي عضامي صحاح .. مغتصم .. ههههه الله يحفضك اخو .. خلاه جر كرسي حدا الديدجي جلس و مشا تا لعند نور القمر وقف مورها فين كانت وقفة كتصفق بيديداتها و عطاها الكاميرا: قضي غرض !! نور القمر .. وااا لااا حرام عليكم وا بغيت نحضر .. معتصم .. بغيتي خوك يقلبها ! نور القمر .. المعقد لاخور «شدات من عندو الكاميرا و عطاتو تيليفونها» صورني مرة مرة .. حرك راسو متبعها بعينيه مبسم تا وقفات قدامهم و بدات كتصورهم باحترافية و سلامة عاد رتاح و خلاها تاخد راحتها معاهم..قربات ليه لوذنو و قالت: كحز ابابا لجنب نصورها بوحدها .. حرك ليها راسو و طلق من ميرا و كحز للجنب خلاها كتصور و كضحك هي و نور القمر لي شدات ليها الخاطر بالفرحات عليها كتصورها بحب و عن طيب خاطر تا جاو كيتصورو حداهم و رجعات لبلاصتها معلقة الكاميرا فعنقها وقفات حدا معتصم .. معتصم .. الجوين ديالي .. نور القمر .. «من ديما هاد اللقب كيخليها دوب بلا هواها» توحشتك .. معتصم .. تا انا تاااا انا «تنهد» غنهضر مع سلامة .. نور القمر .. «بردوخ» واخا .. فوسط الجماعة كانت ناشطة و سالفها كيلعب فظهرها كتشطح و تقول ما شطحت بردات غدايدها بمعنى الكلمة و عينيه لور حاضيينها و مبسم كيشوف الضحكة لي طيحاتو و العيون لي سلبوه مخليينو تابعها من سنيييين و سنييين ميل راسو كيراقب تفاصيلها لي حافضهم عن ظهر قلب كتاب مفتوح بالنسبة ليه كيما كان قادر يشوف حزنها و يشوف قهرتها و يشوف الضحكة لي غي كتخبي بيها كان قادر يشوف بلي هاد المرة ضاحكة من قلبها و الفرحة لي كتبين ماشي مزيفة انما كانت حقيييقية بكل ما فيها..تبسم فرحان و مرتاح و حول عينيه لعبد العالي لي وقف حداه ناطق: تا مالك شاد الحيط لا يطيح .. وليد .. ما فيا ما يݣلس .. عبد العالي .. «شاف فسلامة لي عينيه ما تهزوش فيهم حاضيها غي هي» شفت هادا عينيه لصقو .. وليد .. هههههه «دوز يديه على وجهو كيضحك من نيتو» وا بقا حاضيه .. عبد العالي .. لا لا تواتاو الله يكمل عليهم بالخير .. وليد .. «ضحك و بقا ساكت مدة قصيرة قبل ما يقول» انا جاي .. حرك ليه عبد العالي راسو و تحرك متوجه لعند الديدجي كيضحك هضر معاه بيناتهم عاد رجع أدراجو كيحك نيفو حابس الضحكة تا وقفات الموسيقى الشعبية و وقفات غزلان حدا ميرا و سلامة هازة بلاطو فيه الحليب و تميرات معمرين بالݣرݣاع و زليفة صغيرة فيها العسل و بديعة موراها كتصلي على النبي.. تطلقات موسيقى خلات ميرا خرجات عينيها من مور ما كانت مبتاسمة كتقاد أطراف القفطان و هي واقفة..هزات راسها بالزربة فسلامة لي داير شبح ابتسامة على وجهو و حك نيفو محول نظرو ليها غامزها.. " نوض الغزالة باش تݣلس المسرارة الزين واخا يسلب واحد النهار غادي يتسالى, نوض الغزالة باش تݣلس المسرارة الزين واخا يعجب واحد النهار غادي يتسالا .. شوفي راه قليبي ضرب وحدك لي فتحتي بابو شحال من غزالة قبلك ما لقاتلو جواب قولي كي ملكتي القلب راه الحب قريت كتابو حبك فشي صحفة ما دريت لها حساب .." تقادات فالوقفة مقابلة معاه و الصدمة رجعت ضحكة حشمة حانية راسها و يديها كيزيرو على القفطان فحين هو شاف فنور القمر لي عيطات ليه و دارت يديها على ذقنها بمعنى هز ليها راسها غمض ليها عينيه و حلهم و قرب منها كتر هاز ليها راسها بصبعو تا علات عينيها فيه و تخادت ليهم صورة هكك.. صغر عينيه و قال: مال المسرارة ديالي ؟؟ ميرا .. «سرطات ريقها» كولشي عارفك كتقول ليا المسرارة !! سلامة .. «قرب منها كتر غير مبالي لأي واحد كيشوف فيهم» كولشي عارف ميرا المسرارة دسلامة .. بقات كترمش فيه مدعوقة و كتفكر بلي كولشي كيشوف فيهم تا طبطبات بديعة على ظهرو و قالت: ياله اولدي هاك باش تركبو الخواتم .. تلفت ليها و حرك راسو خدا من عندها تمرة مادها لفم ميرا لي حلات فمها بالشوية عضات تا قفزاتها نور القمر: اري نعض موراك اري .. ميرا .. ههههههه هاكي .. نورالقمر .. «عضات و شافت فإيمان لي جاية كتمختر شداتها منها هي الأخرى» اش بغيتي ؟؟ إيمان .. طلقي ديك التمرة لهنا .. حيداتها ليها عضات منها و ضوراتها لردينة و بقات غادة هكك على العزبات خلاو ميرا باغة تسطى بالضحك و رجعات مدات صبيعاتها لطبسيل هزات تميرة و هزات راسها فيه مطلعة يديها لفمو تا حطاتها بين شفايفو خدا قضمة صغيرة و حيداتها من فمو و عينيها نيشان مشاو لمعتصم لي جاي لعندها كيضحك و قالت: ههههههه عليك كنقلب .. معتصم .. الله يا ودي اري و كان .. شدها منها لاحها ففمو و قال: الله يزوجني .. ضحكو عليه غير سلامة لي بقا كيشوف فيه ديك الشوفة ديال الله يعطيني وجهك و رجع هز كاس الحليب شربو ليها و نفس الشي دارتو هي تا شاف فزليفة صغيرة العسل و شداتو الضحكة و طمر..هز عينيه فبديعة: ميمتي ! بديعة .. هز شوية فصبعك اولدي و عطيها لفمها هههههه راه كيعجبها العسل راك عارف غي سير .. حرك راسو كيعضعض شفايفو و دار صبعو فالعسل و مدو لصبعها استقبلاتو بين شفايفو كتجر العسل من صبعو خلاتو كيعرݣ و ينشف من حركتها تا رخات صبعو كتلحس فشنيفاتها و شدات من عندو الزليفة دارت فيه صبعها و مداتو ليه لفمو.. شافتو مزير و فمو رجع حمر بقوة العضان لي مبرد فيه.. عقدات حجبانها بطفوف كتشوف التغير لي على وجهو و حطات صبعها بين شفايفو حيداتو كتمسح صبعها بكلينيكس تا سمعات همسو بأنفاس ساخنة عند وذنيها: شلا ما غادوقي بهاد العسل «بصوت هامس رجولي» العسيلة ديالي .. بعد منها خلاها كتقلب على عينيها باش ترمش مصدومة قبالتها بالجهد و نور القمر حداها إيمان كيضحكو عليهم و لور وليد و معتصم و عبد العالي غيتسطاو بالضحك .. خرجات من صدمتها بيديها لي تهزات بين يديه بلمستو الحنونة تا هزات فيه راسها كتشوفو مركز مع صبيعات يديها و خاتمها بين يديه مدخلو بين صبعانها هز عينيه فيها بنظرة لي ولات كتعشق تشوفها فعيونو طلع يديها لفمو طابع قبلة على يديها و رجع قربها ليه مقبل جبهتها بحب و بعد اللور كيشوف ديك الضحكة لي كتخرج من شفايفها شيئا فشيئا.. حنات عينيها لبواطة دخاتمو لي فوق الطبلة و بهدوء و فرحة كبيرة كدق فقلبها تحنات هزاتها حيدات منها الخاتم و مدات ليه يديها حاط فوقها يديه و عينيه مراقبينها بترقب كبيييير كأنه كيرسمها فدماغو حنا عينيه لخاتمو لي تركب فيديه و تبسم مشابك يديه مع يديها جارها لحداه و ضور يديه على خصرها و كل واحد كيقرب منهم كيتصور معاهم و رجع جلس و جلسات حداه قرييبة منو يديه باقي على خصرها.. الحلوة و اتاي دارو على الضيوف تا ليهم تهز لراسها و تهز ليه حطات ليه كاس اتاي قدامو و شافت فيه: كوول .. سلامة .. «كمش عينيه» تت بالصحة .. ميرا .. وااا عافاك «دلات شفتها التحتية» انا راني ما واكلة والو من الصباح الا ما كليتيش تا انا مغناكلش «بقات كترمش فيه طالقة عليه فشوشها» .. سلامة .. «حرك راسو بلا حول و هز يديه على على جبهتو بصبعو الكبير» من بعد و نتفاهمو على الماكلة لي ماواكلاش المهار كامل .. لبى طلبها و هز كاس اتاي بين يديه فقط و رد ظهرو لور كيشوف فيها عقدات فيه حجبانها بطفولية و هزات فقاسة ماداها لفمو: هاك عارفة كيعجبك الفقاس «بضحيكة» كول الفئاس يعطيك الستغ لي ما يبلا و يخسغ .. دوز لسانو على شفايفو و عض من يديها عاد شد منها خلاها دارت لجيهتها كتاكل و تهضر مع كلثوم لي جات حداها و هو كيدوز فداك اتاي بالكشايف تا جلسات حداه نور القمر حاطة راسها على كتفو.. نور القمر .. بابا حبيبي .. سلامة .. ابنتي !! نور القمر .. عيتي شفتك عقدتيهم .. سلامة .. ماشي عيا .. نور القمر .. عارفة مكيعجبوكش هاد الأجواء و قوة البشري كيشوف فيك ولكن شوف ميرا شحال فرحانة و كضحك بحالا لقات ريال مصرف .. سلامة .. «هز يديه ضربها لراسها» اهياا .. نور القمر .. هههههه وا غي شوفها هانتا سمع «حنحنات و عيطات لميرا تا ضارت عندها و قالت» لبااس ؟ بدات ميرا كضحك بخفة و غمازتها كتوضاح كل ما زادت فضحكتها و حركات راسها بالايجاب خلاتو ضور راسو من عليها كيحك فلحيتو و شافت فيه نور القمر: شنو قلت ليك .. سلامة .. نوضي بحالك .. نور القمر .. وا طلق البشرة احبيبي .. ناضت من حداه وخرجات لبرا جيهة الجردة فيديها تيليفونها و فعنقها الكاميرا جلسات فوق كرسي لقاتو تما و حيدات الصندالة من رجليها راخياهم كتنفس و ترتاح تا: رتاحي ليا مع راسك .. نور القمر .. «بلا ما دور» عيييت اعمي والله .. عبد العالي .. بالسيف لابسة ميترو و نص .. نور القمر .. باغة نطير .. عبدالعالي .. اوا نييت .. نور القمر .. عمييي .. عبد العالي .. «عيبها» بنتيييي .. نور القمر .. ههههههه حرام عليك انسولك .. عبد العالي .. سولي .. نور القمر .. كتبغي ختي أصال ؟ عبد العالي .. «بدون تردد» سي كنبغيها .. نور القمر .. قدرتي تصبر على عيوبها كاملين و تا هي قدرات تصبر عليك ؟؟ عبد العالي .. كون ما صبراتش عليا و ما صبرتش عليها كون شحال هادي ابنتي فرقناه «شاف فيها و تبسم» الزواج هو هادا حتى لو مكانش الزواج الا كنتي باغي ديك بنادم و هو باغيك راك غتصبر «هز صبعو» على لي تقدر تصبر عليه مكنهضرش على الخيانة و لا الدل و لا و لا كنهضر على الحوايج البساط لي تقدر دوزهم و تولف عليهم اولا تبدلهم .. نور القمر .. «بسهوة» حتى لو كان سكايري و كل ما قطع كيرجع .. عبد العالي .. واخا يكون كيما كان كيبغيك و باغي يقطع على ودك خصو وقت ماشي مشكل .. خرجات فيه عينيها مصدومة تا هز يديه على أساس يضربها و تكمشات كضحك: تخرجيهم فيا ينعل جد بوك .. نور القمر .. باش عرفتي ؟؟ عبد العالي .. عاودلي .. نور القمر .. بصح اعمي «رمشات فيه هازة راسها لعندو باغة تبكي» واش بصح قطع ؟؟ عبد العالي .. قاطع و قاطع على ودك «قرب لحداها قبل راسها و طبطب على كتفها» قاطع على ودك و كيبغيك و مغيمشي حتى يديك رخفي النفس و متنكديهاش راني عارفك نݣارة .. خربق على شعرها و رجع داخل خلاها كتبسم و تبسم تا ضحكات عاضة على فمها و دخلات كطير كتقلب عليه بعينيها .. كيدك فأتاي و الألم كينخر فصدرو مع ذلك كاتم و ما مبينش صابر و الضحكة على فمو قربات منو مبتاسمة و هزات الكاميرا مصوراه و هو ساهي تا هز عينيه فيها و ضحك غامزها: شتما ابنت عايدة !! نور القمر .. علاش نتا زوين هك اااا علاش نتا فن .. معتصم .. «ضحك من نيتو» كتعنبي عليا ؟ نور القمر .. و شنووو «قربات ليه كتر» انا راه كنبغيك .. معتصم .. شي حاجة تم «طبطب على راسها» ماعليش تا انا كنبغيك .. نور القمر .. «تبتات فيه الشوفة» كتبان عيان ؟ معتصم .. شوية «غمض ليها عينيه و حلهم مطمنها» بيخير ما بقا والو و يتفرتك المجمع و نمشي نرتاح .. نور القمر .. هلكتي صحتك ا معتصم .. معتصم .. «بانزعاج» صاف انور القمر سدي هاد السيجي .. نور القمر .. «ضربات على فمها» هاني هاني .. قربات منهم إيمان و حطات يديها على كتف خوها: حبيبي مزيان ؟ حرك ليها راسو كيكح و يعاود تا تنفس و قال: اش تما ؟ إيمان .. غيحطو العشا نوضو للطبلة .. تحرك معتصم جالس و معاه إيمان و وليد حداهم مينة و سهام لي جلسات فحضن معتصم أصال و مرت عم سلامة و بنتها و عمهم فحين فطبلة العروسة جلسات نور القمر حدا سلامة و حداها عبد العالي و رحيم غزلان و بديعة ميرا و ردينة تحطات البسطيلة فوق الطبلة و عينين ميرا خرجو و شافت فسلامة حيت عارفاه كتعجبو شاف فيها هو الآخر و حك على لحيتو .. ميرا .. ياله قول باسم الله .. سلامة .. باسم الله .. مد يديه و تبعاتو كتاكل و كل من في الطبلة تبعوهوم.. تهزات البسطيلة و تبعو اللحم بالبرقوق لي كلا راه كلا و لي شبع راه رجع لور حامد الله وقفات بتكشيطتها هازة يديها لفوق و وقف معاها ناطق: فين غادة ؟ ميرا .. ياله نغسلو الحمام غي هنا .. حرك ليها راسو و تبعها تا للحمام هز ليها كمام القفطان طاويهم تا غسلات على راحتها و وقف موراها محاوطها غسل يديه و هز عينيه فالمرايا كيشوف فيها حاضياه .. ميرا .. مبروك علينا .. سلامة .. تمشي ؟ ميرا .. تا لغذاا و اجي مورايا بينما جمعت دهازي و حوايجي واخا ؟؟ سلامة .. نديك و غدا نردك ! موحشك ااا ميرااا .. ميرا .. «حشمات و عضات على شفايفها كترمش فيه» نمشي .. سلامة .. طلعي بدلي عليك .. حركات راسها بالايجاب بلا ما تعاود معاه الهضرة بدورها موحشة تخش فيه و تنعس و باغة غي تكون حداه طلعات كتجري لبيتها حلات الباب لقات آية حاطة راسها على الزاج دسرجم و كتلعب بشعرها ضحكات ليها و و دارت للبلاكار كتجبد حوايجها و شافت فيها كتحيد القفطان و تهضر: انا غنمشي نتي باتي هنا انوصي ردينة تبقا معاك غدا نجي قبل ما تمشيو واخا ؟؟ آية .. واخا ! مبروك عليك .. ميرا .. الله يبارك فيك .. لبسات حوايجها بالخف قادات شالها مرة أخرى هزات تيليفونها قبلات آية فحنكها و هبطات كطير لقات كولشي مشا بقاو غير المقربين .. قربات من مها جراتها من يديها و قالت: انا غنمشي غدا و نرجع .. غزلان .. ويلي الشيطان .. ميرا .. وااا صافي «باستها غامقة عليها» هانا مشيت .. مشات لحداه فين كان جالس حدا الدراري و نور القمر غي شافها جمع الوقفة و تبعوه الدراري تسالمو معاهم و خرج شاد فيديها تا لحدا الموطور و مد ليها الكاصك .. نور القمر .. الله تهنيت من شي تقاشر و لا المرض .. شاف فيها سلامة و هز حاجب تا ضحكات ليه غادة لطوموبيل فين كان معتصم متكي: بسلامة ابابا نتلاقاو فالدار .. ركبات حدا معتصم كانت متكية عندو سهام ناعسة تبسمات و قالت و هي كتسد الباب: تجي معاك بابا .. معتصم .. «مغمض عينيه و يديه ضايرين على سهام» كون راه عندو ربع سنين طالع فالخامس .. رمشات قدامها بسهوة و ضورات راسها للسرجم كتسرط هضرتو..تعيا تخبي و تعيا تبين بلي راها مامسوقاش لاكن فالداخل ديالها كتبقا نقطة كحلة أنها طيحات قطعة منها كأنها لا تسوى شيئا.. غصة تكونات فحلقها مخلية طبقة من الدموع يتكونو فعينيها و هي كتفكر نهار طيحاتو و البكا لي بكات و الألم لي حسات بيه لا جسديا لا نفسيا.. حسات بيديه على فخضها و شافت فيه طبطب على كتفو و لاحت راسها بسرعة عليه و خشات وجهها فعنقو كتخبي بكيتها تا سمعات همسو فأذنها: سمحيليا .. شدات بيديها فدراعو و حركات راسها باه كتمخشش فيه و تقلب على الراحة فيه .. حبسو قدام الدار و قدامهم طوموبيل وليد و عبد العالي تسالمو فالباب و باركو ليهم مرة أخرى و تحرك وليد لدارو و عبد العالي و أصال و مينة و سهام إيمان و معتصم مشاو لدارهم و نور القمر و سلامة و ميرا دخلو للدار فحين عمو و مرتو و بنتو مشاو لدارهم .. حطات الصندالة من رجليها و تبسمات معنقة راسها: توحشتها فخبارك .. نور القمر .. نتي دوزتي غي ليلة امييي ندخل نشلل نتلاح بلاصتي عييت .. ميرا .. تصبحي على خير .. نور القمر .. بنوي كبيدة .. خلاتها واقفة فالباب و سلامة موراها كيحيد صباطو و دخلات لبيتها هزات فوطة و دخلات للحمام بالزربة .. دوز يديه على كتفها كيحك عليه بحنية تا شافت فيه و ميلات راسها: تا انا بغيت نشلل .. حرك ليها راسو و جرها لصالة جلسات و جلس حداها حيد ليها الدرة من على راسها و جرها ضامها لصدرو كيستنشق عبيرها و يخرج تنهيدات من أعماقو.. ميرا .. توحشتيني !! سلامة .. قليلة فحقك .. ميرا .. تا انا توحشتك سلامة .. سلامة .. «مشغول كيمخشش نيفو فعنقها» اممم .. ميرا .. فوقاش انديرو العقد .. سلامة .. السيمانة الجاية .. ميرا .. واش بصح .. سلامة .. امممم «باسها فعنقها بالجهد تا تسمع صداها فالدار» الحلاوة .. ميرا .. هههههه هريتيني «تهزات مقابلة معاه تا شعرها لصق فلحيتو» ماالك ؟؟ عينيه تعسلو فيها بالجهد و العيا كمل عليه هز يديه حيد الشعر من لحيتو و دوز ظهر صبعو السبابة على شفايفها و هز عينيه فعينيها نيشان: توحشتهم .. بلا ما تحس عضات عليهم خلاتو كيرمش بالتقالة و عينيه كيتسدو بحالا كيجيه النعاس دوز يديه لرقبتها من تحت شعرها و جرها بالجهد لعندو ملاحم شفايفو مع شفايفو كيمصهم و يجر فيهم بين سنانو حلات فمها طالبة المزيد من قربو و دخل لسانو وسط فمها كيجر فرحيق ثغرها ما بعد تا خلا فمها كيوزوز حط جبهتو على جهتها مغمض عينيه كيسوط .. ميرا .. ضريتيني .. سلامة .. «حل عينيه و هبطهم لشفايفها لقاهم حوومر و مفلحين شوييية» كي والو .. ميرا .. «خرحات فيه عينيها» يااااك .. قرب منها كتر و طبع قبلة حنيييينة خفيفة كأنه كيعتاذر و بعد كيحك نيفو مع نيفها: مزيان .. ميرا .. امممم و بزااف .. بقاو هكك محاسبينش الوقت فقط قرابين لبعضياتهم و هادشي غانيهم على أي حاجة أخرى كيما بغات تكون خاويين بالهم و الخاطر صافي و العقل خاوي تا سمعو تحنحينتها عاد تخطفات من حداه و وقفات غادة للبيت ضربات فكتفها و خلاتها كضحك تلاحت فوق السداري ببيجامتها و فيديها الدفاتر و بيسي حطاتهم فوق الطبلة و غمزاتو .. نور القمر .. باااباااا .. سلامة .. «هز تيليفونو متكي ظهرو على الوسادة و وسادة دارها على حجرو» قراي ما ينفعك .. نور القمر .. هانا كنقراااا الله يا ودي .. مجاوبهاش بقا كيخربق فتيليفونو و هي انغامسات فقرايتها تا سمع الما مطلوق فالحمام عاد حط تيليفون و رجع راسو على الحيط ميلو جيهة نور القمر لي حانية على دفتارها و مرة مرة تهز عينيها جيهة البيسي تا نطق بصوت تقيل: خصك نظاظر بروطيكسيون .. نور القمر .. امممم نو كيبرزطوني .. سلامة .. غضري عينيك .. نور القمر .. لا عادي نورمال مرتاحة .. سلامة .. خاصاك شي حاجة ؟؟ نور القمر .. تت شكرا احبيبي .. حرك راسو و وقف قبل راسها و دوز يديه على شعرها عاد دخل للبيت حل صدايف القاميجة حيدها و لاحها فوق الناموسية و حل السمطة دسروالو تبعو الصدفة تا سمع الباب تحل و داخلة كدندن بصوت خفيف و الفوطة ضايرة على ذاتها حد فخاضها و شعرها مطلوق كيقطر على ظهرها.. طلعها و هبطها و هي مبلوكية فيه تا ضحكات بتوتر: ادوش ؟؟ حرك راسو و ما بغاش يحرجها كتر هز فوطتو و خرج من البيت خلاها كتنفس بالجهد جبدات سليب و شورط مع تيشيرت ديال سلامة ديال الدار و هزات الفوطة و القاميجة لاحتها فماكينة التصبين و نشرات الفوطة فضواية عاد رجعات للصالة طلات على نور و قالت: قمر معيتيش ؟؟ نور القمر .. شوية ابيبوش نضبط شي لعيبات و نوض نعس .. ميرا .. فيك الجوع نطيب ليك شي حاجة ؟؟ نور القمر .. يخليك ليلي لا احبيبتي غي سيري ترتاحي .. ميرا .. تباتي فراحة الله .. خرجات من الصالة دخلات الكوزينة كتلف الوقت بينما خرج من الحمام و لبس عليه هزات عصير شرباتو بالشوية عليها تا خرج من الحمام و دخلات جمعاتو من موراه و سيقات مسحات المرايا حكات سنانها و دخلات البيت كتنقز لقاتو لابس سروال الكيطمة لفوق عريان و مغمض عينيه .. طاحت على صدرو و يديها ضارو على كرشو و حطات رجليها فوق رجليه ناطقة بحب: تصبح على خير احبيبي .. لمدينة جديدة مشات خلات كولشي موراها و حياة جديدة غادة تبنيها بعيد على كلشي.. لي عليها دارتو معاها مخلاتهاش نهار احتاجتها تا لآخر خطوة بقات معاها و لحدا حبيبها رجعات .. طالعة شميسة فالسما يديها على عينيها مانعة بيها الشمس و تيليفون فوذنيها كتهضر: وااا بابا راه ماجاش شغندير ليه !! شنو نشد طاكسي ؟ سلامة .. الخدمة فوق راسي ا بنتي شدي طاكسي تا لباب الدار عندك صرف ؟ نور القمر .. اه عندي صافي .. قطعات معاه و هزات يديها كتشير لطاكسي تا وقف قدامها ركبات عالماه بوجهتها و تيليفون فيديها كتصوني ليه و تعاود تا طلع ليها الدم و زدحات تيليفون مع الصاك و ربعات يديها مطلعة حاجبها الݣناوية كتشطح ليها فوق راسها .. عينيه كانو على التيليفون لي كيصوني ردو لجيبو و هزهم فإيمان لي خارجو كتقاد صاكها توجهات لعندو مقبلاه من حناكو و قالت: هانا شنو بغيتيني ؟ معتصم .. التحاليل خرجو تمشي معايا ؟ إيمان .. ااه زاخا راه عندي بوز اصلا من 12 ل 2 .. شدات فدراعو و ركب فطوموبيل كراها طلعات حداه دارت السمطة و شد طريق ديريكت لكلينيك خاطرو عالمو بلي شي حاجة ماشي تا لتما و مرضو غيكون شي حاجة كبييييرة و كبييرة بزاف وقف مبلاصي و حيد السمطة هبط و هبطات شادة فيه كطمنو بكلماتها الحنان كتحاول تخليه يحس بلي مولشي غيولي بيخير رغم أنها براسها ماليها الخوف .. دخل لبيرو غي شافو الطبيب وقف مسلم عليه و نطق بصوت هادئ: سي معتصم رتاح .. جلس معتصم و قبالتو إيمان كتزير على صاكها بيديها و كتسرط ريقها حاسة بغصة واقفة فحلقها هز الطبيب الملف دمعتصم و تنهد هاز راسو فيه: عارف بلي الأقدار و المومن مبتلى .. معتصم .. و نعم بالله .. إيمان .. «بصوت مقجوج» واش بيخير شنو عندو ؟؟ الدكتور .. الدام ديالك ؟ معتصم .. ختيي .. الدكتور .. سمعيني الالة شنو ما كان الطب تطور و الحمدالله الدوا موجود .. معتصم .. الكونصير ؟ الدكتور .. «بأسف» سرطان الرئة .. حنا راسو كيحس بقلبو كيضرب بالجهد و عينيه تعمرو بالدموع غافل على إيمان لي مخرجة عينيها فالطبيب تبلوكات فبلاصتها مصدومة بالجهد و عينيها مكيرمشوش تا طلقات أنين و هز فيها راسو: إيمان .. حركات راسها بلا و الدموع تززرو من عينيها..وقف قرب منها و تحنى لجيهتها شاد وجهها بين يديه: شششش شوفي فيا اباب شوفي ما وقع والو .. حولات بؤبؤ عينيها ليه و حركات راسها بلا رافضة تصدق شنو تقال عاد دابا ماستوعباتش و مابغاتش تيق ميلات راسها فيه و بصوت ضعيف قالت: كيكدب ياك كيكدب .. معتصم .. «دمعة نزلات من عينو زادتها قهرة على قهرة و دوز يديه على حناكها كيمسح دموعها و هونا غي مكيزيدو يهبطو» ششششت إيمان مالو الكونصير يخلعنا .. إيمان .. قلت ليك قطع ق هىءهىءهىء قلتها ليك قلت ليك هىء ا ا هىء اتخرج على صحتك .. دخلها فحضنو و غمز الطبيب بلي غيرجع من بعد وقفها خارج بيها من عندو تا لللزنقة حل ليها باب الطوموبيل جلسات و تقابل معاها كتبكي و تشهق وضربو ليديه كتعاتبو على صحتو لي همل و خرج عليها و هو دموعو حابسهم بالسيف .. إيمان .. ع علاش خرجتيني نرحعو نعرفو هىء انا مرحلة غتداوا ميمكنش .. معتصم .. غتندمي دين مي لاش جبتك معايا .. إيمان .. و لا و لا و لا و لاااااا «جرها لعندو بالجهد خاشي راسها فصدرو و هي كتبكي من نيتها» و لاااااا واا منقدااااارش بلا بيك هىء و لاااااا .. غوتاااات و بكاااات و ضرباات و عاتبتااات لاكن لا رجوع من قدر الله حطات راسها على الكوسان باقين دموعها كيسيلو و هو كيصوݣ يديه على لحيتو كيحكها مابغاش يرجعو عند الطبيب و هي فهاد الخالة فضل يرجع نهار آخر بوحدو وصلها لكابيني دونتيغ لي ولات خدامة عندو و قال: طلعي لخدمتك بني مستقبلك و نساي هادشي يكون خير .. إيمان .. ن نرجعو عند الطبيب عافاك .. معتصم .. «بعياء لاح راسو على الڤولون» طلعيييي ا إيمان عافاك .. حركات راسها ولات خايفة عليه كتر من القياس مسحات دموعها و هزات صاكها: دوز مورايا و لا لا هانتا سير تاح فالدار انا نجي نصوب ليك ما تاكل واخا .. معتصم .. هادشي لي هنا يبقا هنا تا واحد ما يعرف .. إيمان .. ت تا واحد صافي .. تبعها بعينيه غادة و كتميح دموعها ندم ندم ݣاع لاش ابها معاه و لا حضرها كان باغي غير يشاركها ساعة حس بندم شديييييد لي خلاها تعيش هاد اللحظة .. حط يديه على صدرو تا هو جاه الخبر قااصح و لكن كتم غصتو لي ماعارفش اصلا كيفاش يخرجها و حاجة وحدة كضور ليه فبالو .. نور القمر !! دخلات للدار لقات ميرا فالصالون كتصلي رجعات لور دخلات لبيتها بدلات حوايجها و جمعات شعرها لفوق و خرجات عندها لصالون لقاتها حيدات عباية الصلاة و لابسة بيجامة سروال و طوب ديالو شعرها مطلوق كالعادة.. ميرا .. على سلامتك احبي نتغداو سلامة مغيجيش .. نور القمر .. عيطيني تيليفونك بعدا .. مداتو ليها ميرا بلا ما تسولها و وقفات حداها يديها على خصرها تا دوزات لخط امعتصم و جاوبها بصوت تعبان: وي ختي .. نور القمر .. فيييينك ؟؟ معتصم .. فالجايحة الكحلة مالك انور ماالك ؟؟ نور القمر .. نسيتيني فالمدرسة و كتسولني مالي .. معتصم .. منسيتكش دخلي اوتساب اتلقايني مخلي ليك ميساج بلي مجايش .. نور القمر .. ماعنديش كونكسيون .. معتصم .. قوليها نصيفطوها ليك .. نور القمر .. صافي الله يسامح فينك ؟؟ صوتك ماشي تا لهيه ! معتصم .. لا والو تا نتشاوفو .. نور القمر .. رد الباب لراسك .. قطعات معاه و مدات التيليفون لميرا لي دارتو فجيب السروال و قالت و هي غادة لكوزينة: الا ساق لينا سلامة الخبار قبرنا فالشوكة كاملين .. نور القمر .. «تابعاها لكوزينة» سكتي أكثر حاجة خالعاني .. ميرا .. اوا لا خالعاك باليو قبل لا يجمعنا نتغداو غي هنا و لا فالصالة ؟؟ نور القمر .. غي هنا شنو درتي لغدا ؟ ميرا .. صدورة و فخاض الدجاج فالران و الشعرية الصينية و الفريت .. نور القمر .. اممممم اا ختي والله حتى كتبرعينا .. ميرا .. بالصحة و الراحة .. حطات كولشي فطباسل مع كيسان الموناضة و جلسوا فكرسي فالطبلة لي فالكوزينة كياكلو مشاركين مواضيع تا نطقات نور القمر بتساؤل: عمرني سولتك حداش وصلتي فالقراية ؟ ميرا .. عندي ماستر فالأدب الانجليزي .. نور القمر .. حلفيييي تبارك الله و علاش ما كملتيشتيش لدكتوراه و لا خدمتي ؟ ميرا .. خديت بوز اني بلونش ههههه نرتاح اختي .. نور القمر .. من حقك و دابا غترجعي ؟؟ ميرا .. منضنش اصلا سلامة يبغي ؟؟ نور القمر .. القراية يبغي الخدمة فالشك ! ميرا .. انا ما بقا عندي جهد للقراية الا الماستر ديتو اش نزيد ؟ نور القمر .. دوكتوراه .. ميرا .. اممم نو ما فياش ! نور القمر .. اوا الله ينعل لي ما يحشم .. ميرا .. ساليتي ؟ نور القمر .. الحمدالله .. ميرا .. وا نوضي جمعي الطبلة .. ناضت كضحك خلات نور القمر كتجمع غسلات يديها و حكات سنيناتها و مشات لبيتها هزات رواية حاطاها فالمجر و جلسات فالصالة جات حداها نور القمر هازة تا هي بيسي ديالها و قرايتها و جلسو حدا بعضياتهم ..

حاط راسو لور و كيشوف فالمدينة قدامو و السرجم محلول ريح خفيف كيضرب فشعرو و عينيه ذابليين صعييبة تعرف راسك مرييض و نتا ما بيديك ما دير و الوقت لي كانو كينصحوك كنتي كتقول عارف شنو كدير تا كيطيح الفاس فالراس و تولي تسمع لي دارها بيديه يفكها بسنيه.. تنهد تنهيدة طويلة و غمض عينيه تا نزلات دمعة منهم مع خدو و اختافات وسط لحيتو.. بالو كان فيه غير نور القمر !! الا مبراش !! يخليها موراه هكك هو لي قاسها و هو لي خرج عليها و الا وقعات ليه شي حاجة شنو غيوقع فيها ؟؟ ميل راسو بتقالة كيشوف نمرة سلامة كتصوني هزو جاوبو و دار سبيكر كيسمع فيه: فينك ؟؟ معتصم .. مرينيين ! سلامة .. شتم ؟؟ شواقع ليك ؟ معتصم .. والو مكاين والو انا جاي .. سلامة .. باااليي دغياا .. قطع معاه و ديمارا غادي للمحال و عقلو تااالف مامعاهش.. وصل بعد مدة هبط من الطوموبيل و مشا تا لعندو ناطق: السلام و عليكم .. سلامة .. التحاليل ! معتصم .. ميكروب و خلاص .. سلامة .. خديتي الدوا ! معتصم .. اممم .. توجه لبس حوايج الخدمة و سلامة متبعو بعينيه خرج من حداه تا لواحد من الداري لي كان حاني على الطوموبيل بعدو و تكلف هو مهم يتلف راسو.. ما حس غي بسلامة واقف عليه: غنعاود نسول شنو تما ؟؟ معتصم .. باغي تعرف !! سلامة .. نطق طلقنييي ! معتصم .. باغي ختك للزواج ! بغيت نور القمر على سنة الله و رسوله .. حجبانو تعقدو و نظرة غريبة بانت فعينيه دوز لسانو على فمو و بصوت هاااادئ لاكن كتحسي بيه مخبي فيه بزاااف ديال الغواات: عاود اش قلتي ! معتصم .. «تقاد فوقفتو و تقابل معاه» باغي نور القمر على سنة الله و رسوله .. سلامة .. عارف كـ رك اش كتقول ؟؟ معتصم .. عارف و الزواج ماشي حرام بغيت ختك و كنبغيها الخدمة راني معاك النص بالنص فهاد المحال رزقي معاك و بالحلال !! القطعة راني قاطع ! سلامة .. «باستهزاء» قاطع ؟ و لي كان لبارح شنو !!! معتصم .. «صغر فيه عينيه» داير عليا الحضية ؟ سلامة .. ديرها غا زوينة توصل توصل «ضربو لكتفو بظهر يديه» ما عندي بنات لزواج نساها عليك .. تم غادي و رجع لعندو بالجهد مخرج فيه عينيه: عمرك قربتي ليها ؟؟ معتصم .. «ببرود» لا .. حرك راسو و عطاه بالظهر راجع للݣراج خلاه كيغزز فمو من لداخل و قلبو كيضرب .. فوسط قهوة كالم السكات كيتسمع و موسيقى خفيفة مطلوقة كانت جالسة بشعرها الأزعر الطويل طالقاه على ظهرها كترمش فيه و هو كيهضر فتيليفون متبعة حركات يديه و حجبانو كي كيتعقدو.. إعجابها فكل مرة كيتزاد و يزاد مخليها كدوب فيه نهار على نهار بكاريزما ديالو رجولتو و لا هضرتو.. جلس قبالتها و تبسم ليها: ديزولييزولي كان ضروري نجاوب .. لبنى .. ههههه ماشي موشكيل ياك صاڤا بعدا !! وليد .. امممم صاڤا شنو ختاريتي شنو بغيتي ؟ لبنى .. فيا الجوع هههههه من لفاك نيشان لعندك !! وليد .. «ضحك ليها و حرك راسو» عدبناك سمحي لينا الالة .. لبنى .. كطنز عليا يياااك ههههه خود ليا على ذوقك .. وليد .. مرحبااا .. طلب ليها و ليه تا هو و تقابل معاها حاط يديه بزوج فوق الطبلة: لبنى نهضرو فالمعقول «حركات ليه راسها بصمت و خدا وقت قصير عاد باشر بكلامو» نجيك لصراحة حيت الدوران فالهضرة و نلوك فيها معنديش معاها .. لبنى .. واخا شوشتيني ! وليد .. عارفاني جايك للزواج هادي هي هضرتنا اللولة عارفة شي حوايج سطحيين علياا خدمتي و فين ساكن لاج ديالي و شكندير هنا و كدا !! ماعليش الشي لاخور تعرفيه مع الوقت الا تقبلتي الهضرة لي غنقوليك دابا ! «خدا نفس طويل» قلبي عند وحدة أخرى «ركز الشوفة فعينيها لي خرجو فيه و لونها تخطف نفسها تقطعات كأنهم حاطين عليها موس» .. لبنى .. و «سرطات ريقها و هزات كاس الما شربات منو و يديها بداو يترعدو عليها» و اوووف .. وليد .. «مد يديه شد فيديها و بصوت كالم» تكالماي بالشوية عليك !! مادايركش طريق باش نساها باغي نشوف حياتي و متزوجتش بيها حيت كانت مزوجة !! و ميمكنش نساين وحدة حياتي كاملة !! نيس با ؟ لبنى .. م ماعرفتش .. وليد .. بالشوية و نحسبوها بالخشييات ! انا بغيت وحدة و تزوجات غرقت فالخدمة تا نسيت راسي و عمري غادي كيجري دابا باغي مرا علامن نعول ونعيش معاها بيخير ! مارانيش ولد الحرام لي نضرها ما بغيت نتزوج تا عارف راسي قاد راني كبير ماشي برهوش .. لبنى .. ووتقد تزوج و نتا كتبغي وحدة اخرى و تعيش معاها «عينيها دمعو» قول غندي غي الكسدة اما العقل و القلب عندها .. وليد .. «عقد حجبانو و جرها من الكرسي قربها ليه» لبنىىى شنو قلت !! مابغيت نتزوج تا عارف راسي قاد حرام نجيب بنت الناس و نضرهاا .. لبنى .. « هزات راسها فيه بصوت خفيف مرعود بالبكية » باغيني انا ؟ وليد .. «ملامحها الطفولية كيعجبوه و عينيها و هوما مدمعين طربوه تا تبسم بلا ما يحس و مد يديه مسح تحت عينيها محرك راسو بالايجاب» لا اختي غي كنتلف بيك الوقت «ضربها لجبهتها» واش كضحكي على الوقت .. لبنى .. ماا ضربنيش و جاوبني .. وليد .. «بتردد» باغيك .. لبنى .. حلف .. وليد .. «خنزر فيها» ما ضسريش .. لبنى .. «هزات يديها مسحات عينيها دغيا و حركات راسها» قابلة .. تبسم برضى و قربها ليه باس جبهتها و رجع لور متنهد تا هزات يديه حطاتها فوق الطبلة كتلعب بزغب يديه و شافت فيه كضحك: ولييد .. وليد .. اممم شبغيتي ديك اليد .. لبنى .. تردني لافاك ما فيا ميساين شي طاكسي و لا طوبيس .. وليد .. «حرك راسو بلا حول» لا اختي غنخليك هنا .. لبنى .. ههههههه وا ما تبقاش طنز عليا .. تحط قدامهم الغدا و طلقات من يديه كتاكل و تبسم و تا هو كيتغدا و دماغو كيفكر تا وقفات غسلات يديها و رجعات عندو: نمشيو !؟ وليد .. ياله .. وقف خلص و هي جنبو كتبان بحال بنتو ضور يديه على كتافها و شدات فيديه تا وصلو لوطو ركبات وصلها تا لباب لافاك و قال: العشية محرك لمراكش للخدمة بيناتنا التيليفون المرة الجاية لي غنرجع الخطبة نيشان خصاتك شي حاجة قوليها ليا .. لبنى .. غتبقا تهضر معايا ! وليد .. هضرت معاك باش نبقا شاد تيليفون و نتميساجا فيه والو تبغيني صوني ليا .. لبنى .. واخا طريق السلامة .. بجرأة قربات عنقاتو باستو فحنكو و هبطات داخلة لافاك و تحرك هو كيضرب ضرباات خفاف على الڤولون توجه لدارو ديريكت كيجمع حوايجو و تطا بلاصتو كيساين الوقت لي يكون كلشي مسالي باش يسلم عليهم و يتحرك بحالو ..

ما ولاوش تلاقاو بالهضرة تا دخل باش يبدل حوايجو و سلامة فالبيرو كيحسب الفلوس لي دخلات.. بصمت بدل و هز كاسكيط دارها على راسو و نطق: الله يعاون .. سلامة .. اجي .. معتصم .. «عيااان باغي غير يحط راسو و يرتاح من النهار لي من صباحو مكفس» شنو ؟ سلامة .. مال دينمك ؟؟ معتصم .. مماماليش از بي باغي نتقو د نعس عيااان .. سلامة .. قااااا ود .. عطاه بالظهر بلا ما يتزايد معاه فالهضرة ركب فطوموبيلتو و كسيرا تا لخدمة دإيمان هزها و رجعو للدار ساكتين طلعو للدار و دخل لبيتو بدل عليه وتلاح بلاصتو كيحس بداتو صهدات عليه ماشي بزاف تا بدا كيعرݣ و السخانة كدݣدݣ فيه .. دخلات عليه و موراها وليد باغي يسلم عليه تا خرجات عينيها و طارت لعندو حاطة يديها على راسو: خوويااا معتصم اويلي .. وليد .. شششش غي السخانة لي شداتو .. إيمان .. «هازة الدوا فيديها و كتوݣض فيه» حبيبي الحبيب ديالي نوض شرب الدوا .. معتصم .. «بصوت مرخيي غايب و واعي و ماحاسش راسو شكيقول» ما بغااش مابغاش يعطيها ليا .. `;

const cleanedText = rawText .replace(/\r\n|\r|\n/g, '\n') .split('\n') .map(line => line.replace(/\s+/g, ' ').trim()) .filter(line => line.length > 0) .join('\n');

function decodeHTML(html) { const doc = new DOMParser().parseFromString(html, 'text/html'); return doc.documentElement.textContent || ''; }

function normalizeNewlines(s) { return s.replace(/\r\n/g, '\n').replace(/\n{3,}/g, '\n\n').trim(); }

function* splitSmart(text, chunkSize) { let pos = 0; const len = text.length; const breakChars = ['\n', '.', '؟', '!', '?', '…', '،', ',', ' '];

while (pos lastBreak) lastBreak = i; } if (lastBreak > Math.floor(chunkSize * 0.25)) { endPos = pos + lastBreak + 1; } else { const lookAhead = text.slice(endPos, Math.min(len, endPos + 80)); let nextBreak = -1; for (const c of breakChars) { const j = lookAhead.indexOf(c); if (j >= 0 && (nextBreak === -1 || j = 0) endPos = endPos + nextBreak + 1; } } if (endPos <= pos) endPos = Math.min(pos + chunkSize, len); yield text.slice(pos, endPos); pos = endPos; } }

const contentElement = document.getElementById('content'); const loadMoreContainer = document.getElementById('loadMoreContainer'); const loadMoreButton = document.getElementById('loadMoreButton');

const decoded = decodeHTML(cleanedText); const normalized = normalizeNewlines(decoded);

const chunkSize = window.innerWidth > 1024 ? 4000 : (window.innerWidth > 768 ? 3000 : 2000); const iterator = splitSmart(normalized, chunkSize);

const first = iterator.next(); if (first.done) { contentElement.textContent = normalized; loadMoreContainer.style.display = 'none'; return; } else { contentElement.textContent = first.value; }

const hiddenWrapper = document.createElement('div'); hiddenWrapper.id = 'hiddenContent'; contentElement.appendChild(hiddenWrapper);

loadMoreContainer.style.display = 'block'; loadMoreButton.addEventListener('click', onLoadMore);

function onLoadMore() { const next = iterator.next(); if (next.done) { loadMoreButton.textContent = 'نهاية البارت'; loadMoreButton.disabled = true; loadMoreButton.setAttribute('aria-disabled', 'true'); loadMoreButton.setAttribute('aria-expanded', 'true'); loadMoreButton.style.background = 'linear-gradient(135deg, #4caf50, #388e3c)'; loadMoreButton.style.cursor = 'default'; return; }

const part = next.value; const hiddenSection = document.createElement('div'); hiddenSection.className = 'hidden-section'; const span = document.createElement('span'); span.textContent = part; hiddenSection.appendChild(span); hiddenWrapper.appendChild(hiddenSection);

requestAnimationFrame(() => { hiddenSection.classList.add('show'); const h = hiddenSection.scrollHeight; hiddenSection.style.maxHeight = h + 'px'; hiddenSection.style.opacity = 1; hiddenSection.scrollIntoView({ behavior: 'smooth', block: 'start' }); loadMoreButton.setAttribute('aria-expanded', 'true'); hiddenSection.setAttribute('tabindex', '-1'); hiddenSection.focus({ preventScroll: true }); }); }

document.addEventListener('transitionend', (e) => { const t = e.target; if (t.classList && t.classList.contains('show') && e.propertyName === 'max-height') { t.style.maxHeight = 'none'; } }, true);

window.addEventListener('resize', () => {}); });

الجزء 13 | قصة بين أحضانك أنا أحترق

إرسال تعليق

نموذج الاتصال